დიეტის დასაწყისში ჩვენ საკმაოდ სწრაფად ვიკლებთ წონაში, ორგანიზმი გადადის ახალ რეჟიმზე, მოვიხმართ გაცილებით ცოტა კალორიებს, ვიდრე დიეტამდე ვიღებდით, და ორგანიზმი იწყებს წონაში კლებას. ხოლო როცა იგი ეჩვევა ახალ რეჟიმს და ყოველ დღე იღებს ერთნაირი რაოდენობის კალორიებს, მისთვის ახალი აღარაფერია, ამ დროს ორგანიზმი ხვდება რომ უფრო ცოტა კალორიები უნდა დაწვას რათა შეინარჩუნოს წონა(ის მუდამ ცდილობს წონის შენარჩუნებას), ამიტომ ინახავს ენერგიას რადგან არ იცის „შიმშლობა“ სადამდე გაგრძელდება, ამიტომ ნივთიერებათა ცვლასაც ანელებს. ამ დროს ადამიანი ან ძალიან ცოტას იკლებს, ან საერთოდ ვერ იკლებს.
ამ დროს არაფრით არ შეიძლება დიეტის შეწყვეტა, როგორც კი დაიწყებთ მეტის ჭამას ორგანიზმი მაშინვე აინაზღაურებს დაკარგულ წონას და კიდევ რამდენიმე კილოს მიაყოლებს რეზერვის სახით...

დარღვევის საშიშროება
ამ პერიოდში  ყველაზე ცუდი და ძნელი არის რუტინული მდგომარეობა, როცა ჩვენ ვიცით, რომ ორგანიზმში ხდება ცვლილებები, აუცილებელია ახალ წონასთან შეგუება, მაგრამ ამავდროულად ჩვენ ვიცავთ დიეტას და ველით ჯილდოს(წონაში კლებას) რომელიც არსად ჩანს. თუ სხვა დროს გვაქვს სტიმული ამ დროს თითქოს უაზრო ხდება ყველაფერი და შემოგვიტევს დეპრესიული ფიქრები: „რატომ არ დავარღვიო, თუკი შედეგს მაინც ვერ ვხედავ“?, ამ დროს მოიშორეთ ცუდი განწყობა, გაიხსენეთ თქვენი სანუკვარი ოცნება და არავითარ შემთხვევაში არ დაარღვიოთ...
გახსოვდეთ: ყველაზე ცუდ და შავი პერიოდი წინ უძღვის განთიადს...
ამის ნაცვლად თუ პატარა ცვლილებებს შეიტანთ დიეტაში, შედეგს მალე ნახავთ.
გახსოვდეთ „პლატო“ დროის ფაქტორია, ის შეიძლება გაგრძელდეს რაღაც პერიოდი, მაგრამ არა სამუდამოდ. კლების პროცესში(გააჩნია წონას) პლატო შეიძლება რამდენჯერმე დადგეს.

მცირე რაოდენობის საკვები
ადამიანი სუსტდება,როგორც ფიზიკურად, ასევე ფსიქოლოგიურად, ხდება დეპრესიული. ეს ფაქტორები მეტყველებენ იმაზე რომ ადამიანი იღებს  1 200-ზე ნაკლებ კალორიას, ამ დროს ძალიან ბევრი ცუდი რამ ხდება, ქვეითდება ადამიანის ფიზიკური და გონებრივი შესაძლებლობები,  ნელდება ნივთიერებათა ცვლა.
ადამიანები დარწმუნებულები არიან, რომ რაც ნაკლებ საჭმელს მიიღებენ, მით სწრაფად დაიკლებენ მაგრამ მწარედ ცდებიან...
ამის საპასუხოდ ორგანიზმი ანელებს ნივთიერებათა ცვლას და წონაში კლებაც ჩერდება. შიმშილის დროს(800კკალ უკვე შიმშილია ორგანიზმისთვის) ჩნდება ძლიერი შიშილის გრძნობა, რადგან შაქრის დონე მკვეთრად ეცემა. ადამიანი ხშირად ვერ უძლებს ამას და იწყებს ისე კვებას, როგორც დიეტამდე, და სასწრაფოდ უბრუნდება ის წონა, რაც ქონდა დიეტის დაწყებამდე. ამიტომ გახსოვდეთ რომ არ შეიძლება შიმშილი ქალის მინიმალური კალორიების რაოდენობა შეადგენს  1200კკალ-ს, ხოლო მამაკაცის  1 500კკალ-ს დღეში.

ქალის ორგანიზმზე კლების დროს მოქმედებს ჰორმონები და სხვადასხვა წამლები, ასევე მენსტრუალური ციკლი.
პლატოს ძირითადი ფაქტორები“
შენელებული ნივთიერებათა ცვლა
შაქრის დაბალი(მაღალი) დონე სისხლში
ენდოკრინული პრობლემები
ტოქსინები და შლაკები ორგანიზმში
სტრესი

რა უნდა მოვიმოქმედოთ დიეტური პლატოს დროს?
უნდა გადავხედოთ ჩვენი კვების რაციონს და ფიზ. აქტივობას, შევადგინოთ ახალი გეგმა ან შევცვალოთ მოქმედი.  ძველი სტრატეგიით შედეგები გვიან გვექნება.

შეიძლება შევცვალოთ კალორიების რაოდენობა, მაგრამ ამით არ უნდა შეცვალოს ჩვენი კვირაში მისაღები კალორიების ჯამი...ანუ შეგვიძლია ვცვალოთ ასე: თუ დღეს ვჭამთ 1 200კკალს, ხვალ ვჭამთ 1 300-ს, ზეგ 1 100-ს.

ასევე კარგია ფიზიკური აქტივობის გაზრდა ან შეცვლა.
შეცვალეთ ფიტნეს პროგრამა თვეში 2 -ჯერ ან ყოველთვიურად მაინც. რამდენიმე თვის შემდეგ გაზარდეთ ფიზიკური აქტივობა. იარეთ ცეკვაზე, ირბინეთ, იარეთ ველოსიპედით.

არ გამოტოვოთ საუზმე, დალიეთ 1,5-2ლ წყალი დღეში.

ყველაზე უკეთესია სწორი, ჯანმრთელი კვება.
დაითვალეთ კალორიები და გახდით გამხდარი...

წარმატებებს გისურვებთ თქვენც და საკუთარ თავსაც...